20,3 ° C

Qeydiyyat    Daxil ol
1 USD = 1,7 AZN
1 EUR = 1,95 AZN
10 RUB = 0,26 AZN

описание


» » Sabah prezident seçkilərinin nəticələrinə yekun vurulacaq


Sabah prezident seçkilərinin nəticələrinə yekun vurulacaq

14.04.2018 20:56
admin

Sabah, aprelin 15-də Mərkəzi Seçki Komissiyası (MSK) aprelin 11-də keçirilən prezident seçkilərinin nəticələrini yoxlayaraq yekun vuracaq.

Milli.Az oxu.az-a istinadən bildirir ki, MSK-nın sabah keçiriləcək iclasında prezident seçkilərinin nəticələri ilə bağlı ümumi məlumat veriləcək, nəticələrə dair yekun protokolun tərtib edilməsi barədə qərar qəbul ediləcək.

Yekun protokol tərtib olunduqdan sonra sənəd Konstitusiya Məhkəməsinə təqdim ediləcək.

Konstitusiya Məhkəməsi də Azərbaycan Respublikası Prezidenti seçkilərinin yekunları haqqında məlumatı səsvermə günündən sonra 14 gün ərzində, yəni aprelin 25-dək rəsmən elan etməlidir.

Xatırladaq ki, aprelin 11-də keçirilmiş prezident seçkilərində ölkə üzrə olan 5 milyon 314 min 365 seçicidən 3 milyon 962 min 123 nəfəri (ümumi seçicilərin 74,30 faizi) səsvermədə iştirak edib. Səsvermənin nəticələrinə əsasən, prezidentliyə namizədliyi Yeni Azərbaycan Partiyası tərəfindən irəli sürülən İlham Heydər oğlu Əliyev 86,03 % (3 milyon 397 min 664), Bütöv Azərbaycan Xalq Cəbhəsi Partiyasının sədri Qüdrət Həsənquliyev - 3,02 % (119 min 390), öz təşəbbüsü ilə namizədliyi irəli sürülmüş Zahid Oruc - 3, 11 % (123 min 6), Azərbaycan Demokrat Partiyasının sədri Sərdar Cəlaloğlu - 3.03 % (119 min 674), Azərbaycan Sosial Demokrat Partiyasının sədri Araz Əlizadə - 1.38% (54 min 603), Müasir Müsavat Partiyasının sədri Hafiz Hacıyev - 1.52 % (59 min 977), Milli Dirçəliş Hərəkatı Partiyasının sədri Fərəc Quliyev - 1.17 % (46 min 10), "Cəbhəçilərin təşəbbüs qrupu" tərəfindən namizədliyi irəli sürülmüş Razi Nurullayev - 0.74 % (29 min 282) səs toplayıb.

Milli.Az

Mənbə: milli.az

Комментарии:
Adı:*
E-Mail:
Comment:
Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищённой ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Введите два слова, показанных на изображении: *