8,5 ° C

Qeydiyyat    Daxil ol
1 USD = 1,7 AZN
1 EUR = 1,95 AZN
10 RUB = 0,26 AZN

описание


» » Opera və Balet Teatrında İtaliyanın "Spellbound" balet truppası çıxış edəcək


Opera və Balet Teatrında İtaliyanın "Spellbound" balet truppası çıxış edəcək

04.04.2018 19:18
admin

Aprelin 21-də Azərbaycan Dövlət Akademik Opera və Balet Teatrı ilə  İtaliyanın Azərbaycandakı səfirliyinin birgə mədəni proqramı çərçivəsində teatra tanınmış italyan balet truppası "Spellbound"un çıxışı keçiriləcəkdir. Balet truppası Bakıda "Bir axşam Spellboundla"adlı proqram təqdim edəcəkdir.

"Spellbound" balet truppasının əsası 1994-cü ildən tanınmış xoreoqraf Mauro Astolfi tərəfindən qoyulmuşdur. Mauro Astolfi müasir dövrün tanınmış italyan xoreoqraflarından biridir. O Avropa və ABŞ-ın müxtəlif balet məktəblərinin təcrübələrindən istifadə etməklə yanaşı, quruluş verdiyi rəqslərə öz təkrarolunmaz üslubunu da əlavə edir. Xoreoqraf öz quruluşlarında klassik baletlə müasir rəqs elementlərindən ustalıqla istifadə edərək plastik, qeyri-adi ansambllar - duet və triolar qurur.

"Spellbound"  mütəmadi olaraq bir çox milli və beynəlxalq balet festivallarında böyük uğurla çıxış edir. Son illərdə truppa öz proqramlarını Venesiya biennalisində, Hyustonda  "Dance Salad Festival"ında, Banqkok beynəlxalq rəqs və musiqi festivalında, Seuldakı "SIdance", Təl-Əvivdəki "Aviv" beynəlxalq caz festivalında, Quandunda rəqs festivalında, Valensiyada "Temporada" festivalında, həmçinin Milanda Karkano Teatrında, Bostonda Şubert festivalında, Klivlenddə Oqayyo Teatrında, Kataniyada Massimo Bellini Teatrında, Düseldorfda beynəlxalq Tanzmesse festivalında, Nyu-Yorkda APAP rəqs konfransında, Tokioda  "Dance New Air" festivalında, Vankuverdə "Chutzpah!" rəqs festivalında təqdim etmişdir.

Truppanın çıxış etdiyi ölkələrin KİV-lər və balet tənqidçiləri "Spellbound"un çıxışlarının professional səviyyəsinə hər zaman yüksək qiymət verirlər.

İtalyan balet truppasının Bakıdakı çıxışı heç şübhəsiz ki, şəhərimizin mədəni həyatında çox önəmli hadisəyə çevriləcək və balet sevərlərə böyük zövq verəcəkdir.

Milli.Az

Mənbə: milli.az

Комментарии:
Adı:*
E-Mail:
Comment:
Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищённой ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Введите два слова, показанных на изображении: *