22,5 ° C

Qeydiyyat    Daxil ol
1 USD = 1,7 AZN
1 EUR = 1,99 AZN
10 RUB = 0,27 AZN

описание


» » Xalq artisti həyatının ən böyük səhvini ETİRAF ETDİ:


Xalq artisti həyatının ən böyük səhvini ETİRAF ETDİ:

09.02.2018 14:20
admin

Xalq artisti Firəngiz Mütəllimova "Üç nöqtə"-nin layihəsində yarımçıq qalan sualları cavablandırıb.

Milli.Az xalq artistinin müsahibəsini təqdim edir:

İndiki ağlım olsaydı...
- Elə bir ciddi səhvə yol verməmişəm, amma indiki ağlım olsaydı, valideynlərimin sözlərinə qulaq asardım, 21, 22 yaşımda ailə qurardım.

Dünyanı dəyişmək imkanım olsaydı...
- Hazırda məni ən çox dünyada baş verən iqtisadi böhran, devalivasiya və dolların qalxıb-enməsi narahat edir. İmkanım olsaydı, bu dəyişikliklərin qarşısını alardım, stabil saxlayardım.

Kişilər o qadınlara xəyanət etmir ki...
- Hissiyatı güclü olan və xəyanəti sevməyən xanımları kişilər aldada bilmir. Çünki onları itirməkdən qorxurlar.

Seviləsi qadın olmağın ilkin şərti...
- Ağıllı olmaq lazımdır, eyni zamanda gözəl yemək bişirməyi bacarmalı və gülərüz olmalısan.

Qadınlar göz yaşını ona görə gizlədir ki...
- Qürurlu olduqları üçün zəif cəhətlərini göstərmək istəmirlər.

Qadına qarşı şiddət...

- Belə xəbərlər eşidəndə çox pis oluram. Allah qadını elə zərif yaradıb ki, ona qarşı şiddət cinayətdir.

Təəssüf edirəm ki...
- Şuşanın və Qarabağın olmamağına təssüf edirəm. Ata-baba yurdumu ancaq yuxularda görürəm, orada keçirdiyim günlər tez-tez xəyallarımda canlanır.

Vanqa nənə ilə görüşsəydim...
- Vanqa yaşamır, görüşsəydim də, heç nə soruşmazdım, ancaq Allaha inanıram.

Küsülü olduğum insana demək istəyirəm ki...
- Küsülü olduğum insan yoxdur.

Tənhalıq insan üçün lənətdir, yoxsa...
- Lənət deyil, Allah hərəyə bir həyat yazıb, yazılan ömrü də yaşamalıyıq. Bu yazını heç kim poza bilməz. Təklikdən qorxmuram, əksinə rahat oluram.

Kiminsə yalan danışdığını hiss edəndə...
- Baxıb gülümsəyirəm, ürəyimdə "Mənə də yox da" deyirəm.

Allah insanları ona görə qeyri-bərabər yaradıb ki...
- Hər kəs eyni olsaydı, həyat maraqsız olardı.

Bəşəriyyətin gələcəyi haqqında fikirləşəndə...
- Ümid edirəm.

Günahlarım yadıma düşəndə...
- Böyük günah sahibi olmamşam, kiçik günahlarım olub. Hər axşam Allaha dua edirəm ki, mənim və ailə üzvlərimin günahlarını bağışlasın.

Dostlarıma ən çox onu məsləhət görürəm ki...
- Qənaətcil olsunlar, özüm bədxərcəm, ən çox geyimə pul xərcləyirəm. Təəssüf ki, bu xasiyyətimi düzəldə bilmirəm.

İlahi ədalətə inancımı o zaman itirdim ki...
- Heç vaxt itirməmişəm.

Heç vaxt heç kimə icazə vermirəm ki...
- Mənə yalan danışsınlar.

O zaman düşünmədən riskə gedirəm ki...
- Ümumiyyətlə, riskə getməyi sevirəm. Başqa çıxış yolum qalmayanda riskli addımlar atıram. Beyin əməliyyatı həyati təhlükə deməkdir, yaddaşımı itirə, hətta iflic ola bilərdim. Mən yenə də gülə-gülə əməliyyata girdim, nələrə qol çəkdim getdim... Şükürlər olsun ki, bu risk uğurla nəticələndi.

Hər dəfə çıxılmaz vəziyyətə düşəndə...
- Qoç bürcüyəm, ağlım yaxşı işləyir. Belə situasiyalarda ağlımı işlədirəm.

Yaxşı gündə, pis gündə...
- Ailəm yanımda olsun.

Çox sağ olun. Biz sizə ancaq yaxşı günlər arzu edirik. Fikirlərinizi öyrənmək maraqlı idi.
- Minnətdaram.(publika.az)

Milli.Az

Digər maraqlı xəbərlər Milli.Az-ın Facebook səhifəsində

Mənbə: milli.az

Комментарии:
Adı:*
E-Mail:
Comment:
Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищённой ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Введите два слова, показанных на изображении: *