29,6 ° C

Qeydiyyat    Daxil ol
1 USD = 1,7 AZN
1 EUR = 1,99 AZN
10 RUB = 0,27 AZN

описание


» » Bakıda qəza törədən avtobus sürücüsünə görə kim məsuliyyət daşıyır?


Bakıda qəza törədən avtobus sürücüsünə görə kim məsuliyyət daşıyır?

08.01.2018 21:39
admin

Sürücülük hüququ olmayan şəxsi işə götürməyin, avtobusu ona verməyin bütün məsuliyyəti nəqliyyat sahibinin üzərində qalır.

Milli.Az xəbər verir ki, bunu Trend-ə nəqliyyat üzrə ekspert Ərşad Hüseynov Bakıda sərnişin avtobusunun qəza törədərək dərəyə yuvarlanmasına münasibət bildirərkən deyib.

Ə.Hüseynov bildirib ki, 175 nömrəli marşrut xətti üzrə qəza törətmiş avtobus sürücüsünün sürücülük vəsiqəsi olmayıb, həm də həmin şəxs məhkumluq həyatı yaşayıb:

"Azərbaycan qanunvericiliyi məhkumluğu olan şəxsin işə qəbul olunmasını qadağan etmir. Amma işə götürən təbii ki, vətəndaşı işə götürməmişdən öncə müəyyən araşdırma aparmalıdır. Cəmiyyətə hörmətsizlikdə, o cümlədən dələduzluq, xuliqanlıq, şəxsiyyət əleyhinə cinayətlər törətmiş insanları avtobus sürücüsü kimi işə götürmək təhlükəlidir. Çünki bu adamlar yenə də ictimai təhlükəli ola bilərlər. Eyni zamanda, avtobus sürücüsü kimi işə götürmək üçün tələb var - bu, sürücülük hüququnun olmasıdır. Əgər sürücülük hüququ olmayan şəxsə avtobus verilirsə, bu, o deməkdir ki, nəqliyyat sahibinin fəaliyyətində ciddi hüquqi problemlər var".

Qeyd edək ki, yanvarın 6-da Zığ şosesində 175 nömrəli müntəzəm marşrut xətti üzrə hərəkət edən 99-XM-581 dövlət qeydiyyat nişanlı sərnişin avtobusu yoldan kənara çıxaraq dərəyə aşıb. Hadisə nəticəsində ümumilikdə, 20 şəxs müxtəlif dərəcəli bədən xəsarətləri alıb. Araşdırmalar zamanı avtobus sürücüsünün sürücülük hüququ olmadığı və məhkumluq həyatı yaşadığı məlum olub.

Bakı şəhər Baş Polis İdarəsi və şəhər prokurorluğunun yaydığı məlumatda bildirilir ki, sözügedən hadisəni törədərək hadisə yerindən qaçmış sürücü tutularaq istintaqa cəlb edilib. Faktla bağlı Xətai rayon Polis İdarəsinin İstintaq Şöbəsində Cinayət Məcəlləsinin 263-1.2 (yol hərəkəti və ya nəqliyyat vasitələrinin istismarı qaydalarını nəqliyyat vasitələrini idarə etmək hüququ olmayan şəxs tərəfindən pozma, zərərçəkmiş şəxsin sağlamlığına az ağır və ya ağır zərər vurulmasına səbəb olduqda) və 264-cü (yol nəqliyyat hadisəsi yerindən qaçma) maddələri ilə cinayət işi başlanıb. Həyata keçirilmiş təxirəsalınmaz istintaq-əməliyyat tədbirləri nəticəsində hadisənin Bakı Ağır Cinayətlər Məhkəməsinin 2 avqust 2012-ci il tarixli hökmü ilə Cinayət Məcəlləsinin 180.2.2-ci (soyğunçuluq) maddəsi ilə məhkum olunmuş və nəqliyyat vasitələrini idarə etmək hüququ olmayan 1989-cu il təvəllüdlü Ağayev Kamran Hüseynağa oğlu tərəfindən törədilməsində əsaslı şübhələr müəyyən edildiyindən o, şübhəli şəxs qismində tutularaq istintaqa cəlb olunub.

Milli.Az

Mənbə: milli.az

Комментарии:
Adı:*
E-Mail:
Comment:
Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищённой ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Введите два слова, показанных на изображении: *