Uşaqlar məktəbəqədər təhsilə niyə cəlb olunmur? -

Özəl bağçalarda ödəniş məbləği orta gəlirli ailələr üçün yüksəkdir. Bu səbəbdən, 6 yaşadək uşaqların çox hissəsi məktəbəqədər təhsildən kənarda qalırlar. Bütün bunlar təhsil institunun hesabatında açıqlanıb.

Milli.Az xezerxeber.az-a istinadən bildirir ki, azərbaycanda 1-5 yaşlı uşaqların kənd yerlərində 7%-nin, şəhər yerlərində isə 21% faizinin məktəbəqədər təhsil müəssisələrinə çıxışı var
Bu məlumat Təhsil İnstitutunun "3 və 4 yaşlı uşaqların məktəbəqədər təhsilə cəlb olunması layihəsi" üzrə yekun hesabatında əksini tapıb.Hesabatda bildirilib ki, aparılan tədbirlər nəticəsində təhsilalanların sayı artsa da, hələlik bu amil arzuolunan səviyyədə deyil.
Hesabatda həmçinin qeyd olunur ki, özəl bağçalarda ödənişin məbləği orta gəlirli ailələr üçün yüksəkdir. Yeni proqram isə bu valideynlərin özlərinin övladlarını inkişaf etdirməyə kömək edəcək.
"İcma əsaslı məktəbəqədər təhsil" pilot layihəsi çərçivəsində bakı şəhərində və 10 rayonda 50 icma seçilib. Hər icmadan orta hesabla 20 nəfər 3 və 4 yaşlı uşaq layihəyə cəlb olunub". İcmalarda dərslər könüllü müəllimlər, məktəb işçiləri və ya valideynlər tərəfindən aparılır.
Qeyd edək ki, layihə YUNİSEF-in maliyyə dəstəyi ilə təhsil institutu tərəfindən icra olunur.

Milli.Az

Digər maraqlı xəbərlər Milli.Az-ın Facebook səhifəsində

Milli.Az-ın ən mühüm və maraqlı xəbərlərini "Telegram"da izləyin

Videonu izləmək üçün şəklə klikləyin:

Mənbə: milli.az